Donderdag 01 Julie 2021

Die reine waarheid

Die afgelope tyd intimideer feitlik al wat menslike media lesers en luisteraars tot 'n staat van paniek oor fiktiewe goggatjies wat afstam van kwaadwillige meningsvormers met verskuilde motiewe.

Daarom het ek besluit om hier 'n berig te plaas wat die waarheid baie meer eer as die kamma-kiem gerugte vat derduisende so mislei:

Melkproduksietekort in Smurfieland

Dit is pas bevestig dat die besondere koue in Smurfieland die melkproduksie van die melkluise in Smurfieland ernstig benadeel het en dat dit 'n tekort in die uitvoerkwota na Blommeland toe tot gevolg het.

Dieëtkundiges is dit eens dat hierdie voorraad-tekorte 'n nadelige gevolg vir Matewis Kat se gesondheid inhou aangesien melk 'n kern-element van sy dieët vorm. Hierdie verminderde inname van sy stapelvoedsel het gevolglike ernstige kalsium-tekorte tot gevolg wat sy algemene welstand baie negatief beïnvloed.

Filantrope word dus as saak van dringendheid versoek om asseblief melk-noodvoorraad by Matewis Kat te gaan aflewer.

Stof: 2021/07/01

Saterdag 17 April 2021

S2K

Ek glo dat as een van ons Suid-Afrikaanse sepie-draaiboeksrywers hierdie verloop van sake onder oë sou kry, mag dit dalkies binnekort iewers in een van Suid-Afrika se vele sepies as storielyn spog...

Ek deel dus graag die volgende stuk:

Terreinbesture, bemiddelaars, eienaars en huurders.

So gebeur dit dat 'n skadelose Woordbedienaar 'n rusplek vir haar en haar gestremde seun se hoofde vind in 'n pragtige oase waar gemoedrus die botoon voer. Met die seën van die eienaar en die terreinbestuur.

Hierdie persoon, die huurder, rig die oase netjies in om haar aanlyn evangelisasie en beradingswerk te laat stroomlyn. Vir die eerste keer in 'n paar jaar, het sy die gemoedsrus Die Eienaar kom haar op besondere wyse tegemoet moet die huurbedrag. 'n Weldoener voorsien selfs 'n gewaardeerde huursubsidie.

Enkele maande later kon die oorspronklike weldoener nie meer die subsidie bybring nie. Die losmaakproses van die nodige deur 'n ander persoon wat haar graag wil seën, neem 'n wyle, maar weereens stuur Vader 'n gedeeltelike bedrag ten opsigte van die volgende maand, wat haar sodanig bemagtig om die balans by te bring.

Moet egter nie nou op 'n dwaalspoor kom en aflei dat hierdie stuk hoofsaaklik oor die fiskale gaan nie. Die draai wat volg, gaan oor haar seun. Ondanks die wete deur die terreinbestuur dat haar seun se prognale ouderdom waarskynlik iewers in die sestigs is, waarvolgens hy dus wel geregtig is om die voordeel van geriatriese geriewe te mag benut, steur die terreinbestuur hulle aan onkundige klaers en adviseurs wat vaskyk teen sy historiese ouderdom. 'n Terapeut dien 'n tegnies korrekte en proffesionele verslag in ten bate van die seun se prognale ouderdom.

Maar helaas, lucifer en sy goggas maak die lesers blind vir die feite daarin. Kort daarna, word die huurder se seun in kennis gestel dat hy nie meer benodig word vir aflos-sekuriteit-skofte nie. En 'n dag of drie later, word sy ma, die huurder, deur, let wel, die terreinbestuur, in kennis gestel dat sy die oase moet ontruim binne ses weke. Nou wonder ek mos, in my leeftyd van meer as 'n halfeeu, was ek nog altyd onder die indruk dat die eienaar die een is om kennis te gee, sou daar wel rede wees. Maar nee, die terreinbestuur verhef hulself tot eienaar.

Ek wonder dus hipoteties, sou die feit dat die huurder besonder gesond vir haar ouderdom is, se prognale ouderdom wat waarskynlik heelwat laer as haar historiese ouderdom is, teen haar sou tel en dus teenoor haar ook gediskrimineer word, ongeag haar historiese ouderdom van oor die sewentig?

Op die punt van eienaarskap, nou moet ek eers 'n pluim in die eienaar se hoed plaas. Hy, wat wel die outoriteit het om die kennis te mag gee, word nie geken in die proses nie. En die enkele gesprek wat ek per geleentheid met hom gehad het, het my oortuig dat hy 'n ware heer met integriteit is wat nie hierdie soort bevooroordeelde optrede, sal kondoneer nie. Ook die bemiddelaar, het haar waarrdering vir die eienaar se integriteit uitgespreek. Intussen is die eienaar en die gewaardeerde bemiddelaar in gesprek 'n netelige situasie wat die huurder en die eienaar se verhouding sou kon benadeel, te beredder. Maar die eienaar, wat in wese die besluitnemer is, word gereduseer deur 'n terreinbestuur? Danksy die ware heerskap van die eienaar (J) en die opregte omgee van die bemiddelaar (Dr V), is daar harmonie tussen verhuurder en huurder.

Maar 'n terreinbestuur stoomroller oor die eienaar se regte en in die aanname dat die huurder nie kennis het, of toegang tot kennis rakende hierdie sake het nie. Met die gevolglike, wedergtelike kennisgewing tot ontruiming deur die terreinbestuur. Die rede, dat die huurder se seun se historiese onderdom onder vyftig jaar is, ongeag die feit dat sy bewese prognale ouderdom waarskynlik iewers in die laat sestigs is.

In ag genome dat die terreinbestuur wel op die ware feite gewys is deur 'n gelisensiërde terapeut, het hulle gekies steeds deeglik geformuleerde diagnostiese data, sowel as samelopende veelvuldige diagnose's wat 'n heelwat ouer prognale ouderdomsbepaling bewys, te ignoreer.

Ek kies egter om die Jesus-weg te volg, en nie (nou al) 'n vorm 02 ten opsigte die outeurs van die brief in dier voege, in te dien nie.

Daarom is dit my wens dat alle partye hulle weg oopsien om met 'n oop gemoed in ope gesprek te tree, en hierdie oorhaastige verleentheid vir vele partye op 'n harmoieuse wyse op te los.

Alle rolspelers, sowel as ander kommentators, is dus welkom om in die kommentaarveld, hulle insette te lewer.

My wens is derhalwe dat hierdie mededeling, eerlike en volle harmonie en versoening tot gevolg sal hê.

Seënwense, Stof
stof@ebedim.co.za
www.ebedim.co.za
www.stof.co.za

Dinsdag 26 Januarie 2021

Klippie

Klippie... Klippie in die skoen... so maklik, word 'n klippie gesien as 'n las, iets pynlik, iets wat ongemak bring of die gemakzone bedreig. Op 'n bouperseel sal 'n ingenieur sug en kla omdat daar nou geskiet moet word, omdat daar 'n klip is presies waar die die gebou moet kom. 'n Vrou word voor die volk gebring. Sy is betrap op 'n daad van ontug. So word klip, die projektiel waarmee sy tereggestel word. 'n Moordwapen. Enkele jare later, kla 'n voertuigbestuurder dat 'n klip skade aan sy voertuig se band veroorsaak het. En klippie neem hierdie negatiewe sentimente waar, laat sak sy kop, en probeer herbesin oor sy doel... Klippie is egter nie bestem om met 'n gemeenskapsgeinisieerde depressie, deur die lewe te gaan nie. Niemand het die reg om klippie te veroordeel, net omdat klippie nie kondoneer met die gemeenskap se wanaangepaste norme nie. En meteens, sien jy wat vir klippie so passievol diskrediteer, met hete kole op jou hoof, dat jy die eintlike klipkop is... Die vraag is dus: Om te klip of nie? Toe Jesus die disipels gevra het wie Hy is, het Simon Petrus hom bely as die seun van God. Jesus het nie daarna vir Petrus vergelyk met 'n edelsteen of 'n perel nie. Hy het hom nie vergelyk met 'n goudstaaf of 'n koninklike kleed nie. Hy het Petrus 'n rots genoem. 'n Klip. 'n Harde klip wat ondanks die gebrek aan skoonheid, onmisbaar is in konstruksie. En so, het Petrus die rots geword wat wat die hoeksteen en die fondament van 'n noodsaaklike bediening geword het vanwaar die blye nuus van die Evangelie, wyd versprei het. Sonder 'n klip, kan 'n gebou nie 'n stewige fondament he nie. 'n Gebou wat op die sand gebou is, sal intuimel na die eerste goeie reen of wind. Maar die huis wat op 'n rotsfondament gebou is, sal die aanslae oorleef, storm na storm. Alles net, omdat daardie fondament wat nie vir die oog sigbaar is nie, deeglik gekonstrueer is onder grondvlak. In dit wat die die oog kan sien, soms onaansienlik, soms, onsigbaar benede grondvlak. Tog, onmisbaar. Tot heel onlangs, was riooltenks en put-toilette ons bekende ablusiestelsels. Sentrale waterafvoerstelsels en spoeltoilette het maar onlangs eers tot ons beskikking gekom. Selfs diegene wat wel spoeltoilette ghad het, sal onthou dat dit afgevoer het 'n rioolput, wat dikwels aangevul is met 'n franse klipfilter. Hierdie filter het op 'n bepaalde hoogte in die rioolput die vloeibare afval afgevoer, deur hetsy 'n bogrondse of ondergrondse sloot met 'n verskeidenheid klippe in, waardeur en waaroor die vloeibare afvoer gevloei het. Aan die einde van hierdie franse klipfilter, was die water skoon. Selfs helder. Daar was geen hoogs tegniese of wetenskaplike proses daaragter nie. Een van die eienskappe van harde klippe, is dat elkeen 'n vorm van magnetisme bevat. Ten spyte van hierdie besondere eienskap, hou die klip nie hierdie eienskap vir homself nie, maar onttrek die skadelike swaarmetaal-elemente wat in water voorkom. As die klip gekies het om ewe voorbarig skoon te bly en te spog met sy magnetiese eienskappe, sou daardie eienskappe niks vir ander beteken het nie. Maar deur die selfopofferende te doen en onsuiwerhede uit water uit te onttrek deur sy magnetisme, doen hy die edel taak om skoon water te voorsien aan hulle wat dit nodig het. Die sagter klip se rol verskil, maar is net so noodsaaklik. Omdat dit porieus is, absorbeer dit onsuiwerhede en doen so sy deel ten opsigte van di ereiniging van die water. Hierdie selfde klipfilter-beginsel word selfs met groot sukses in moderne waterherwinningsaanlegte gebruik as deel van die herwinningsproses. As die klip dus onwillig was, sou ons vandag nog skoon water gehad het? Die simbiose tussen klip en water, is verantwoordelik dat ons leefwereld in vele opsigte baie mooier is. Vele gedigte is al geskryf oor die skoonheid van 'n perfekte ronde spoelklippie. 'n Klippie wat oor 'n tydperk in 'n rivier vertoef het, slyt elke dag tot groter skoonheid. Die skerp hoeke word rond en die growwe oppervlak word glad. En op hierdie wyse, kompenseer water weer vir klip, vir die reinigende wat klip oor water gebring het. 'n Klein klippie moet nie onderskat word nie. Dawid het deur 'n piepklein klippie, deur die swak plek in Goliat se mondering te slinger met sy slingervel, die reus op sy neus laat val. As daardie klippie groter en vol van homself was, meer indrukwekkend, sou dit te groot wees om hierdie taak te verrig. En in sy kleinheid, verrig hy 'n taak wat die indrukwekkende rotse, nooit sou kon verrig nie. Onhou, self in jou onaasienlikheid, kleinheid, het Vader vir jou 'n skeppingsdoel wat geen ander klippie kan verrig nie. 'n Doel, waarvoor jy spesifiek, toegerus is. Daar is groot klippe. Rotse. Berge. Berge skei klimaatstreke. Dit beheer windvloei. Dit reflekteer winde wat andersins destruktief kon wees, na hoogtes waar die die verspreiding van wolke wat weer water bring, kan beheer. DIt draai die moontlike skadelike, na die helende, die voedende. Die berge staan maar net daar. 'n Groot klip. Maar gehoorsaam aan sy skeppingsdoel, speel hy 'n deurslaggewende rol in klimaatstabiliteit. Dalk komplimenteer jou medemens jou weer binnekort dat jy 'n klippie in sy skoen is. Dit is jou keuse of jy dit as 'n kompliment sien omdat daar kennis van jou geneem word, of stem dit jou tot diepe depressie omdat jy nie langetermynvisie het nie. Dit is jou keuse of jy 'n rots wil wees, 'n klipkop wil wees, of dalk op jou beste, 'n klippie in die skoen. Die emosie wat op jou besluit volg, is suiwer vir jou gewete... Stof 2021/01/26

Saterdag 19 Desember 2020

Bevolkingsbeheer

Ek wil die regering van harte gelukwens met hulle weldeurdeurdenkte plan om die oorbevolking onder beheer te bring.  Deur te vereis dat bestuurders van openbare pasasiersvoertuie maskers moet dra, verseker hulle dat die bestuurders se bewussyn en skerpheid benadeel word deur die gebrek aan suurstof en die inname van hulle eie gifgasse.  So word verseker dat daar meer gereeld, veelvuldige busse vol burgers uitgewis word. 

Saterdag 22 Augustus 2020

Hermoniade

'n Hermoniade

'n Wyle gelede word 'n nasaat van 'n inwoner, weggewys by Huis Hermon. Sommer so op 'n blatante wyse. Nee, hy is mos 'n ongewensde persoon. So verklaar deur 'n bestuur wat onder die invloed is van 'n familielid wat die nasaat met passie verag. 'n Persoon wat op een of ander wyse sy verdraaide persepsies subtiel ingekonkel het in die naiewe denke van die bestuur. Hy het hulle oortuig dat hy alleen kopiéreg op ouers besit en dat geen ander nasaat, waardig is om omgee aan hulle te toon nie.

Onder die irassionele hoop dat dit enigsins 'n verskil sal maak, vra die ongewensde nasaat toe maar 'n kennis wat 'n nagsuster is by Hermon, om te gaan uitsnuffel wat brou in die diep donker duister hermoniaanse kookpot. Geen reaksie nie. Die navraag raak verlore in die borrels van die groen brousel wat in die pot borrel. Op 'n volgende geleentheid stuur die gewaardeerde sussie wat nagskof werk, 'n skermbeeld van 'n boodskap, wat 'n bestuurslid beweer, 'n wyle gelede vir die ongewensde gestuur is. Maar, dit is glad nie eers aan die regte persoon geadresseer nie. Sommer by die aanspreek, is dit reeds die naam van 'n ander persoon...

Enkele maande later bereik 'n berig die ongewensde nasaat met 'n ompad, dat sy pa na bewering oorlede is. Met die oproep na die kantoor om die gerug te probeer bevestig, word die ongewensde ewe afgejak en meegedeel dat inligting nie aan buitestaanders verskaf word nie. Dus, 'n ouer se eie kind, is nou skielik 'n buitestaander...

Eish! Of vir die lesers wat hulself as verhewe bo ons klas beskou: Touche...

En stadig maar seker, begin 'n skoefdraad subtiel skade opdoen...

Die gerug word uiteindelik bevestig deur 'n ander, wat (nog) nie as ongewens beskou word nie. Dankie Stefan, jy is waarlik 'n lig in my lewe.

En nog steeds, word die ongewensde uitgesluit, met passie verdryf en weerhou daarvan om maar net syouers se laaitie te wees.

Hierdie hermoniade dien vele doele:

-

Dit dien as uitlaatklep vir 'n "ongewensde".


-

Dit dien as ope brief aan die hermoniaanse bestuur met die hoop dat tonneldenke tog, per wonderwerk, eendag sal wyk.


-

Dit dien as waarskuwing aan narciste wie se geliefdes nog na die vlees met ons is, om twee keer te dink voordat hulle besluit wie is gewens en wie is ongewens en om tehuis-besture te weerhou om ander te gewetenloos te intimideer om verwronge wanpersepsies, as hulle eie te koester en blindelings toe te pas.


-

Dit dien as broederlike vermaning aan amptenare wat oorde bestuur, om nie toe te laat dat nasate wat fiskaal sterk is, hulle beïnvloed om deel te word van die heksejag teen hulle wat deur 'n enkele narcis, as ongewens beskou word nie.


-

Dit dien as 'n boodskap aan ouers wat vasgevang is in hermoniaanse gevangenisse, om besef dat die ander nasate, steeds opreg vir hulle omgee, maar op wrede wyse weerhou word om dit oor te dra. Dat hulle nooit moet dink dat die ongewensde faktore, nie waarlik en opreg vir hulle omgee nie.


-

Dit dien as 'n navraag aan die Hervormde Kerk, wie se herder so ewe die intimideerder se bevooroordelende en hatige persepsie kondoneer en verdedig. Dit laat vrae oor die Hervormde Kerk se ware visie en misie. Hierdie optrede laat ernstige bedenkinge oor die egtheid van hulle bewering dat hulle 'n Evangeliese instelling sou wees.


-

Dit dien as 'n boodskap aan ander ongewensdes, dat Vader Yahwe hulle nooit sal versaak of verag nie, en dat hierdie gemoedsrus, 'n ewigheid meer se waarheid dra, as die eiegeregtige persepsie van 'n enkele narcistiese fiskusverslaafde of naiewe en beïnvloedbare bestuur.


Ter afsluiting:

"Elke mens (en bestuur) het 'n vrye keuse met watter kant van sy rugstring hy dink. Ongelukkig maak ons almal, nie dieselfde keuse nie..." (Uit Psigoët, deur Stof, 2004)

Deur vele veräg, die uwe.

Dinsdag 26 Mei 2020

Ope brief aan my broer Dimitar Shtereva-Battheu, beter bekend as Dimitri

My dear brother Dimitri

I conduct this outreach to you in english, because I noticed that you did not utilize the oppertunity to learn the beautifull and characterfull language, Afrikaans. Therefor, you must excuse my inability to commit english in a way the queen would have done. I do believe, that though I am not as competent as you in perfect english, you will comprehend what I share with you here.

Therefor, sit back. Relax. Open up your spirit and mind to the outreacht from a brother, who respects you as a equaly created creation, and rest assured, although you may not believe it, I know that Father had a good reason, when He decided to provide that you and me, would have the priviledge to meet each other so many years later.

Firstly, I take the opportunity to assure you that from my side, you are forgiven for all the rude and even rasistic things you uttered upon a variety of people on the premises. Also, for your misbehaviour, especialy in the month of May even upon the children and the dogs. I can asure you that from my side, you are forgiven. If I did not, I would not be firgiven by Father Yahwe Himself, for all my sins in a lifetime.

I am sure that you do know, that always being negative and rude, is in no way good for your health and welbeïng. Beïng a equaly created creation, formed and made by Father Himself, I do wish you to be happy and have a fulfilled life. Under current circumstances and behaviour, there is no way that I can see or believe that my brother can realy be fulfilled and happy. And that, is something I am very concerned about.

So, now that you are relaxed and knows that this boertjie-brother cares about you, as I share a part of my heart with you.

You told me a lot of times, that you yourself, chose not to open your heart to the salvation, although you had so may oppertunities. You have the excuse that you grew up in a comunist country and had a lot of stress in the war. You did not have the oppertunity to learn thet Father Yahwe, loves you and that He allowed His Son Jesus, to shed His blood, so that me and you, could inherrit salvation. If you claim that you are not able to believe in the great future Father has for you, you are jeopardising

Because Father forgave me for all my transgretions, It is my pleasure not to keep any of those blasphemous things you said unto me, against you, because my forgiveness for my sins was in total. So who am I, dear brother, to keep anything against any other brother or sister, if Jesus blood provided the guarantee before Father, to free me from all of my sins. If I do not forgive those that I could believe in in debt with me, Father has the fullest right to refuse me, forgiveness. So, take my word of total forgiveness towards you, knowing that it is deeply meant, and out of the heart.

I noticed your actions on Tuesday 26 May 2020, and was able to read between your lines, that there was external situations, that caused you to direct your secondary anger towards due to external situations, towards those, that realy had no role to play in the cause of your behaviour. But, although it was noticed with sadness, I will also not keep this misbehaviour against you, for I am so blessed to know, that there is nothing healing in keeping memories and grudges.

Therfor, rest in the peace, that your Boertjie-brother do respect you as a equal brother, with no grudges.

With this assurance be given upon you, I now need to urge you to take the oppertunity that you still have, to repair relations with all of the other people in your life and strive towards harmony. Above all, athough you claim to have grown up without the gospel of Jesus's salvation, you are blessed with the oppertunity to know the gospel of Jesus Christ. The fact that so many of your family in Bulgeria do not know this truth, makes you especialy blessed, to the one, who have this oppertunity. And the moment you accept His grace and forgiveness, you will have a burning urge of going to Bulgeria, and share this good news, with all of those co-bulgerians, who did not have the oppertunity to know. You can change lives. Are you willing?

This new-found freedom of yours, will also make it easy for you, to go and have a coffee with Philip, Ronel, and the children, and appologise hoestly towards them for the hasty and degrading hings, that you said upon them over a long time. And after your appology to them, you will experience so much real peace in your mind, and so much more blessings, that you will know, that you did the right thing.

Your caring Boertjie brother, Stof.

© Stof 2020/04/26



Stof se bedieningswerf:
www.leroleng.co.za
Stof se algemene webwerf:
www.stof.co.za
Gesels met Stof

Sondag 24 Mei 2020

Sy het 'n appelkooskleurige rok aangehad

Gewoonlik is my drome helder, Tog, word min van hulle onthou. Die afgelope tyd meer drome egter duidelik agterbly in my bewuste. Sommige, weet ek is profeties. Ander, dalk 'n boodskap, wat nie profeties vir ander is nie, maar inspraak in my leweom bepaalde vrae te antwoord. Laasgenoemde, sal ek nooit publiseer, voordat ek weet dat hierdie pêrels wel van openbare belang is nie. Die Woord waarsku pertinent in Mattheus 7:6b. teen die praktyk om pêrels voor die swyne te werp.

...noch werpt uw paarlen niet voor de zwijnen;
opdat zij niet te eniger tijd dezelve met hun voeten
vertreden, en zich omkerende, u verscheuren.

Tog, was die droom wat ek vandag hier deel, duidelik en in detail. As 'n droom so duidelik is, moet daar 'n rede voor wees. Ek sê nie dit was 'n visioen of profesie nie. Maar ek weet ek moet dit deel, want net dalkies, kan die iets vir een of meer lesers beteken.

Daarom deel ek met jou die volgende. En as jy voel dat jy iets daarin sien of kommentaar wil lewer, voel vry om hieronder, kommentaar te lewer.


Hier kom hy:

Ek is by 'n sosiale geleentheid. Die meeste gaste is bekendes. Hoofsaaklik kennisse, met hier en daar 'n vriend. Elkeen is weggevoer deur diep gesprekke oor uiteenlopende onderwerpe. Emosielose kelners dra borde vol knibbel-dinge rond. Ekself, is nie in 'n gesprek vasgevang nie. Ek merk 'n dame op wat heeltemal onbekend is aan my. Dit lyk, asok sy ook nie die ander gaste ken nie. Sy is geklee in 'n appelkoos kleur moulose knielengte rok. Dit is die styl van die laat tagtigs, toe hierdie dikker katoenrokke met hulle groot sakke en een groot knoop aan die bokant van elke sak, nogal gewild was. Die knope aan die rok, is identies aan dié, van die van die sakke. Sy beweeg rond, sonder werklike sinvolle interaksie met ander gaste. Haar vloeiende wortelrooi hare, met enkele wysheidstrepe wat trots begin deurskemer, hang vry, sowat vier of vyf duim onder haar skouers. Ek kan nie haar emosie peil nie. Die vensters van haar gees, is toe. 

Sy beweeg na 'n venster wat uitkyk op 'n ontwerperstuin. Oombikke later, sien ek hoe haar eie refleksie in die venster, haar met 'n intense hartseer laat.

Ek weet nie hoe ek daar beland het nie. Maar die volgende oomblik is ek langs haar. Sonder om die woorde te bedink, of te weet waar dit vandaan kom, kom die volgende woorde uit my mond "Jou uitrusting bring die beste in jou na vore". Sy frons-dink vir enkele oomblikke, voordat haar gelaat verlig. Haar voorkoms verander van appologeties, na selffversekerd. Dan verdwyn die frons, en vul 'n salige vreugde haar gelaat. Al wat sy sê, is "dankie, ek het dit so nodig gehad".

Dan kom die kelner met die southappies verby. Sy neem 'n snoeppasteitjie. Ek neem 'n mini-sosatie. Waarna ons elkeen weer ons eie koers inslaan.

Die res van die verloop van die funksie was vaag. Dit het nie helder behoue gebly in my bewyssyn nie. Dit was dus seker nie van belang, vir die rede waarom ek hierdie droom gehad het nie.


© Stof 2020/04/24